Fréttatilkynning.

Innanfélagsmót Sjóstangaveiðifélags Ísfirðinga

Innanfélagsmóti Sjóstangaveiðifélags Ísfirðinga var haldið laugardaginn 5. september með þátttöku átta keppenda, einni konu og sjö körlum.

Róið var frá Bolungarvík á tveimur bátum aðallega á veiðislóð á Eldeyjarhryggnum í mynni Ísafjarðardjúps, Ritnum og Aðalvíkinni og veitt frá kl. 8.00 til kl. 14.00. Mótið tókst í alla staði vel og gott veður allan veiðitímann. Í mótinu tóku þátt tveir nýliðar.

Alls veiddust 336 fiskar sem vógu tæp 700 kg. Fimm tegundir veiddust; þorskur, ufsi, ýsa, sandkoli og karfi.

Í einstaklingskeppninni sigraði Þorgils Gunnarsson með 162 kg. Í öðru sæti varð Þórir Sveinsson með 127 kg. og í þriðja sæti Þórarinn Jóhannesson með 105 kg.

Stærsta fisk mótsins veiddi Guðrún Steingrímsdóttir, þorsk sem vóg 9,735 kg. Flestar tegundir veiddi Guðrún Steingrímsdóttir eða fjórar; þorsk, ýsu, ufsa og karfa. Tveir aðrir keppendur veiddu fjórar tegundir og réði meðalþyngd úrslitum.

Aflahæsti skipstjórinn varð Sigurður Hálfdánarsson og áhöfn hans á Snjólfi með 472 kg. eða 109 kg. að meðaltali á veiðistöngina. Í öðru sæti varð Björn Sveinsson og áhöfn hans á Ásdísi með 225 kg. eða 54 kg. að meðaltali á veiðistöngina.


Stjórn Sjóís.
7. september 2009.