Ísafirði, 18. júní 2006 Fréttatilkynning
Aðalmót Sjóstangaveiðifélags Ísfirðinga 30. júní og 1. júlí 2006
Aðalmót Sjóstangaveiðifélags Ísfirðinga verður haldið föstudaginn 30. júní og
laugardaginn 1. júlí og er mótið hið fimmta í röð átta móta sem haldin eru
víðs vegar á landinu og er liður í Íslandsmeistaramótinu í sjóstangaveiði.
Auk verðlauna fyrir sigur í sveita- og einstaklingskeppni verða veitt verðlaun fyrir
stærstu fiska einstakra tegunda, fyrir stærsta fisk mótsins, til aflahæsta
heimamannsins, fyrir flestar veiddar tegundir, hæstu meðalþyngd og til þriggja
fengsælustu skipstjórana. Búast má við að veiða þorsk, ufsa, ýsu, karfa,
steinbít, sandkola, lúðu og marhnút svo nokkrar tegundir fiska séu nefndar.
Sú nýjung verður að sérstakur bátur er ætlaður fyrir þá veiðimenn sem leggja
vilja áherslu á að veiða sem flestar tegundir fiska fremur en sem mesta magn afla.
Gert er ráð fyrir að sjóstangaveiðifólk alls staðar að frá öllum landshlutum
fjölmenni í mótið auk þess að margir heimamenn taka þátt í keppninni.
Róið verður frá Bolungarvík og látið úr höfn kl. 6.00 báða dagana. Fyrri daginn
er veitt til kl. 14.00 en til kl. 13.00 seinni daginn. Mótssetning verður fimmtudaginn
29. júní kl. 20.30 í samkomuhúsinu Víkurbæ í Bolungarvík.
Þátttökugjald er 14.000 kr. og er innifalið veislumáltíð og miði á dansleik.
Skráning er hjá Þóri Sveinssyni í síma 456 3298 eða 896 3157 og Sigríði
Jóhannsdóttur í síma 897 6782.
Í tilefni af mótinu verður opnuð ný heimasíða félagsins, sjois.is, þar sem finna
má ýmsar upplýsingar um félagið og sjóstangaveiðiíþróttina.
Stjórn Sjóís