Ísafirði, 18. júní 2008


Fréttatilkynning


Aðalmót Sjóstangaveiðifélags Ísfirðinga 4. og 5. júlí 2008

Aðalmót Sjóstangaveiðifélags Ísfirðinga verður haldið föstudaginn 4. júlí og laugardaginn 5. júlí og er mótið hið fimmta í röð átta móta sem haldin eru víðs vegar á landinu og er liður í Íslandsmeistaramótinu í sjóstangaveiði
Auk verðlauna fyrir sigur í sveita- og einstaklingskeppni verða veitt verðlaun fyrir stærstu fiska einstakra tegunda, fyrir stærsta fisk mótsins, til aflahæsta heimamannsins, fyrir flestar veiddar tegundir, hæstu meðalþyngd og til þriggja fengsælustu skipstjórana. Búast má við að veiða þorsk, ufsa, ýsu, karfa, steinbít, sandkola, lúðu, lýsu og marhnút. Ekki er ólíklegt að skötuselur, makríll og flundra veiðist en þessar tegundir veiðast í auknu mæli hér við strendur landsins í kjölfar hlýnandi sjávar

Búast má við sjóstangaveiðimönnum frá öllum landshlutum enda Vestfirðir vinsælir fyrir sjóstangaveiði

Róið verður frá Bolungarvík og látið úr höfn kl. 6.00 báða dagana. Fyrri daginn er veitt til kl. 14.00 en til kl. 13.00 seinni daginn. Mótssetning verður fimmtudaginn 3. júlí kl. 20.30 í kránni Einarshúsi í Bolungarvík
Þátttökugjald er 15.000 kr. og er innifalið veislumáltíð og miði á dansleik. Skráning er hjá Þóri Sveinssyni í síma 896 3157 og Sigríði Jóhannsdóttur í síma 897 6782


Stjórn Sjóís