| |
Fréttatilkynning.
Innanfélagsmót Sjóstangaveiðifélags Ísfirðinga
Eitt Sjóís-met var slegið í innanfélagsmóti Sjóstangaveiðifélags Ísfirðinga sem
haldið var haldið laugardaginn 23. ágúst 2008 með þátttöku 13 keppenda, 4 konum
og 9 körlum.
Róið var frá Bolungarvík á þremur bátum aðallega á veiðislóð undir Deildinni,
Ritnum, Aðalvíkinni og undan Barðanum og veitt frá kl. 8.00 til kl. 14.00. Mótið
tókst í alla staði vel og gott veður allan veiðitímann. Í mótinu tóku þátt sex
nýliðar.
Alls veiddust 660 fiskar sem vógu 1.189 kg. Sex tegundir veiddust; þorskur,
ufsi, ýsa, sandkoli, lýsa og makríll.
Eitt Sjóís tegundarmet var slegið í mótinu makríll 0,665 kg. veiðimaður Birgir
Jóhannsson og er það í annað sinn sem makríll veiðist í móti Sjóís.
Í einstaklingskeppninni sigraði Þorgils Gunnarsson með 141 kg. Í öðru sæti varð
Sigríður Kjartansdóttir með 134 kg. og í þriðja sæti Eiríkur G. Johansson með
122 kg.
Stærsta fisk mótsins veiddi Þorgils Gunnarsson, þorsk sem vóg 16,940 kg. Flestar
tegundir veiddi Birgir Jóhannsson eða fjórar; þorsk, ýsu, ufsa og makríl.
Aflahæsti skipstjórinn varð Sveinn Jónsson og áhöfn hans á Bjarna Egils með 532
kg. eða 106 kg. að meðaltali á veiðistöngina. Í öðru sæti varð Sigurður
Hálfdánarson og áhöfn hans á Snjólfi með 356 kg. eða 89 kg. að meðaltali á
veiðistöngina. Í þriðja sæti varð Guðmundur Jakobsson og áhöfn hans á Neista með
300 kg. eða 75 kg. að meðaltali á veiðistöngina.
Stjórn Sjóís.
26. ágúst 2008.
|